Lalaki nga nagtabuk sa suba, patay sa banwa sang Dumarao

DUMARAO CAPIZ – Nalumos-patay ang isa ka lalaki matapos magtabok sa isa ka suba sa Barangay Poblacion Ilaya, Dumarao.

Ginkilala ang biktima kay certain Vicente, 45-anyos kag residente sang nasambit nga lugar.

Sandig sa impormasyon nga nakuha sang Bombo Radyo nagikan sa Dumarao PNP, nakita ang biktima nga nagtabok sa suba takna alas 4:00 sang hapon sadtong Agosto 22, 2024 apang wala na ini makita pa pag-abot sa tunga-tunga nga bahin sang suba.

Bangud sini,  gilayon nga nagpanawag sang bulig ang mga residente apang takna alas 5:40 nakit-an ang bangkay sang biktima apang wala na ini sang kabuhi.

Mahibaluan nga may ginsupreher nga balatian nga epilepsy ang biktima.

Sa karun yara na ang bangkay sang biktima sa isa ka punerarya sa amu nga banwa.