-- ADVERTISEMENT --
ROXAS CITY – Patay ang isa ka lalaki nga senior citizen matapos nalumos sa suba sa Sitio Proper, Barangay Mongpong, Roxas City.
Ang biktima amo si alyas Graciano, 63-anyos nga residente sang nasambit nga barangay.
Sandig sa imbestigasyon sang Roxas City Police Station, ginpahayag nga nasapwan sang iloy nga nagalutaw-lutaw ang biktima sa suba sa amo nga lugar.
Ginrespondehan sang katapo sang Roxas City Emergency Response Team ang lugar kag madasig nga gindala sa ospital ang biktima apang gindeklarar nga dead on arrival sang doktor nga nag-atendir.
Nagapati naman ang pamilya nga wala sang foul play nga natabo sa nasambit nga insidente.
-- ADVERTISEMENT --
Sa karon, yara na sa isa ka punerarya ang bangkay sang biktima.
– With a reports from Bombo Francis Biñas
