Lalaki nga yara sa advanced state of decomposition, nasapwan sa Barangay Lagdungan, Tapaz, Capiz

Nasapwan ang bangkay sang isa ka lalaki sa Brgy. Lagdungan, Tapaz, Capiz nga yara na sa advanced state of decomposition.

Ang biktima amo si alyas Jun, 53 -anyos kag residente man ang nasambit nga lugar.

Sandig sa impormasyon nga nakuha sang Bombo Radyo, nadiskubrehan ang bangkay sang biktima mga alas-1:15 sang hapon kahapon nga adlaw sang nakabatyag ini sang mabaho nga butang halin sa madabon nga tanum malapit sa balay.

Sang iya ini gin-usisa, didtu kag nakit-an ang wala na sang kabuhi nga bangkay sang biktima nga ginabanta madugay na mga napatay bangud sa kahimtangan sini.

Sa subong, padayon pa ang imbestigasyon sang mga otoridad agud mahibaluan ang gintunaan sang kamatayon sang biktima.