ROXAS CITY – Patay ang isa ka lalaki matapos malapakan sang mixer truck sa Barangay San Jose, Roxas City.
Ginkilala ang biktima kay Regielon Salceda, 21 anyos kag residente sang Barangay Dinginan, Roxas City.
Sa interview sang Bombo Radyo kay Police Staff Sergeant Gamin Unarce, imbestigador sang Roxas City Police Station, ginpahayag sini nga yara sa likod sang mixer truck nga ginamaneho ni Sonny Funcion ang biktima agud giyahan ang driver sa pag-atras sang salakyan.
Gikan sa natuo nga porsyon sang truck, wala natalupangdan ni Funcion nga nagsaylo sa nawala nga porsyon ang biktima kag nagpatong sa steek water tank.
Diri kag aksidente nga nalapakan ang biktima sang truck nga nag-angkon sang patal nga pilas sa ulo kag iban pa nga bahin sang iya nga lawas.
Gindala pa sa ospital ang biktima apang gindeklarar nga dead-on-arrival sang attending physician.
Boluntaryo naman nga nagsungka sa mga kapulisan ang driver sang nasambit nga mixer truck.
