Lalaki, patay matapos ginkastigo sang mga hubog

ROXAS CITY—Patay ang isa ka lalaki matapos ginkastigo sang mga hubog sa Barangay Manhoy, Dao, Capiz.

Nagaguwa sa imbestigasyon sang Dao PNP, naabtan na lamang sa idalum sang puno sang kahoy nga duguan kag tuman kaluya sang biktima nga si Reynaldo Hinorda.

Nahibaluan nga magapauli na kuntani ang biktima sang masugata sini ang tatlo ka mga hubog nga sanday Freddie Sales, Reyno Arbis kag Mark Celis kag sa wala mahibaluan nga rason, hinali ini nga ginpulihan kastigo

Natigayon pa nga madala sa Dao District Hospital ang biktima apang pagkaligad sang pila ka oras, ginbawian man ini sang kabuhi.

Sa karon nakabilanggo na sa karsel sang Dao PNP ang tatlo ka mga suspek.