ROXAS CITY – Patay ang 32 anyos nga lalaki matapos malumos sa isa ka resort sa Barangay Basiao, Ivisan, Capiz.
Ginkilala ang biktima kay Andrew Neo Carmelo, residente sang Barangay Man-it, Passi City, Iloilo.
Base sa inisyal nga impormasyon, samtang nagapaligo sa RBM Beach Resort ang biktima kaupod ang iya nga pamilya, hinali na lamang nga nadula ang biktima sa panan-awan sang iya mga kaupdanan.
Bangud diri, nagpanawag sa mga otoridad ang pamilya sang biktima rason nga gilayon man ini nga ginrespondihan.
Naglab-ot sang halos 30 minutos ang pagpangita sa biktima apang nakit-an na lamang ini nga nagapautaw-utaw sa higad sang baybay kag wala na sang kabuhi.
Ginaalegar nga yara sa idalom sang impluwensiya sang makahulubog nga ilimnon ang nasambit nga biktima sang natabo ang insidente.
