Lalaki pilason matapos ginbuno sang icepick sang iya magulang

MAMBUSAO, CAPIZ – Pilason ang isa ka lalaki matapos ginbuno sang icepick sang iya nga pakaduwa sa Barangay Atiplo, Mambusao, Capiz.

Ginkilala ang biktima nga si Jose Lusabia, 30 anyos samtang ang suspek ang mismo pakaduwa sini nga si Christian Lusabia, 23 anyos, lunsay residente sang nasambit man nga lugar.

Base sa nakuha nga impormasyon sang Bombo Radyo sa Mambusao Municipal Police Station, magkaupod nga nag-inom ang suspek kag biktima sang hinali na lamang sila nagbaisay.

Bangud sa init sang ila diskusyon, ginbuno sang suspek ang biktima gamit ang icepick nga naigu sa nawala nga porsyon sang tiyan.

Gilayon nga gindala sa ospital ang biktima agud madapatan sang pagbulong samtang ang suspek ang padayon sa karon nga ginaayam sang mga kapulisan.