ROXAS CITY – Pilas sa ulo ang naangkon sang isa ka lalaki, matapos ginlampusan sang botelya sa iya ulo Barangay Santa Cruz, Dumalag, Capiz.
Ginkilala ang bikima Ernesto Fontanilla Germo 58-anyos samtang ang suspek ang ginkilala kay Romel Hernandez Delfin,40-anyos, nga lunsay residente sang nasambit nga banwa.
Sa impormasyon nga nakuha sang Bombo Radyo sa Dumalag PNP, ginapahayag nga nagpadulong ang biktima sa tyange agud kun tani magbakal sang softdrinks sang ginsundan ini sang suspek kag hinali na lamang nga ginlampusan sang botelya sa ulo.
Bangud sa natabo, nadulaan sang alinto ang biktima nga madasig naman ginpadangat sa pinakamalapit nga ospital apang gintransfer naman sa Western Visayas Medical Center matapos nga wala sa gihapon makabugtaw.
Samtang, nadakpan naman sang Barangay Kapitan kag mga tanod ang suspek nga sa karon yara na nakahunong sa karsel sang Dumalag PNP para sa nagakaigo nga disposisyon.
Sa karon, nagapadayon pa ang imbestigasyon sang kapulisan angut sa nasambit nga insidente.
