ROXAS CITY-Pilason ang 27-anyos nga mister matapos nga ginbuno sa Barangay Intungcan, Pontevedra, Capiz.
Ginkilala ang biktima nga si John Rey Seville, 27-anyos residente sa amo nga lugar.
Sandig sa inisyal nga imbestigasyon sang mga Pontevedra Municipal Police Station nagaguha nga samtang nagabakal sang sigarilyo sa tindahan ang suspek nga si Bobby Deita, sang amo man nga lugar ginaalegar nga ginhaboy ini sang bato sang biktima.
Ginlagas sang suspek ang biktima apang sang nadusmo ini, ginbuno ini sang suspek sa tiyan kag abaga.
Gilayon nga gindala sa Bailan District Hospital ang biktima kag padayon nga ginabulong.
Natigayon naman ini nga madakpan sa ginpatigayon nga hot pursuit operation sang mga kapulisan.
Apang, gilayon man nga ginhilway matapos nga nagtakup ang reglementary period sini.
Mahibaluan nga may yara sang daan nga hiligut-anon ang biktima kag suspetsado.
