-- ADVERTISEMENT --
ROXAS CITY – Pilas sa lawas ang naangkon sang 34-anyos nga lalaki matapos ginlabo sang suspek sa isa ka bilasyunan sa Pontevedra, Capiz.
Padayun nga ginabulong sa ospital ang biktima nga si Edmon Danton sang Barangay Tacas, Pontevedra samtang nagapabilin nga at-large ang suspek nga si Jefty Solabio sang Barangay Sublangon, Pontevedra, Capiz.
Nahibaluan nga yara sa bilasyunan ang biktima kag suspek sang may nagluntad nga komosyon.
Hinali lamang nga ginlabo ni Solabio ang biktima gamit ang binangon kag gilayon nga nagpalagyo matapos ang insedente.
