Ginkapatay sang siyam ka indibidwal ang natabo nga lapnagon nga pagbinaha sa Thailand kun sa diin 553,921 nga kabalayan ang naapektuhan samtang 13,000 ka indibidwal naman ang ginpwersa nga mag-evacuate.
Suno sa mga otoridad, walo ka probinsya ang apektado sang amu nga lapnagon nga pagbinaha kun sa diin ginmanduan na ang nagkalain-lain nga ahensya sa nasambit nga pungsod para sa madasig nga bulig nha kinahanglan sang mga residente nga naapektuhan sang mga pagbinaha.
Samtang, duha naman ka ospital malapit sa probinsya sang Pattani ang ginsuspinde ang operasyon bangud sa pagpreparar sini sa baha agud malikawan suno diri nga maguba ang ila nga mga medical facilities.
Suno sa Meteorological Department sang Thailand, ang naeksperyensyahan nga habagat sa pungsod ang tuga sang climate change kag gin-abisuhan man ang mga residente sa lugar nga ipabilin nga nakahanda sa mangin epekto sang mabaskog nga pag-inulan nga magadugay tubtob sa masunod nga semana.
Ginmanduan naman ni Thai Prime Minister Paetongtarn Shinawatra ang mga otoridad sang madasig nga aksyon kag pagbulig para sa tanan nga mga naapektuhan sang lapnagon nga pagbinaha.
