Lapsag, patay matapos ginbilin sa nasunog nga balay

Patay ang lapsag matapos ginbilin sa nasunog nga balay sa Atimonan, Quezon.

Ginpahayag sang iloy sang lapsag nga nakabugtaw siya kag nasapwan nga nagakalayo ang dako nga bahin sang ila balay sa Barangay Lubi.

Bangud sa kakulba sang iloy, ginbilin sini ang iya lapsag sa sulod sang ila balay.

Madasig nga naglapta ang kalayo kag lubos nga nasunog ang balay nga human sa light materials.

Ginpahayag nga malayo man ang lugar sa mga bombero, gani wala sila nakaresponde gilayon.

Padayon naman ang imbestigasyon sang Bureau of Fire Protection kun ano ang gintunaan sang sunog.