Lapsag, patay sa sunog sa Capiz

ROXAS CITY – Patay ang isa ka tuig nga lapsag matapos masunog ang isa ka balay sa Sitio Gibuangan, Barangay Lonoy, Sapian, Capiz.

Ang nasambit nga balay ang ginapanag-iyahan ni Juvymel Hechanova nga human sa light materials.

Base sa inisyal nga imbestigasyon, nabilin sa amo nga balay ang isa ka tuig nga si alyas Lablab bangud nagsag-ob ang ila isa ka magulang nga si Judy Ann Hechanova.
Ginapahayag nga nagsugba sang isda bilang ila palanyagahon si Judy Ann antes ini naglakat agud magsag-ob.

Apang sa iya pagpauli, ginkakibot ni Judy Ann nga ginalamon na sang kalayo ang ila balay rason nga nagpangayo ini sang bulig.

Apang wala na matabangan kag patay na sang nakit-an ang isa ka tuig nga lapsag.