Madinalag-on nga ginlunsar kahapon ang P20 per kilo rice program sang gobyerno sa Cebu, sa pagpanguna sang Department of Agriculture sa diin ginapabugal sang mga bumalakal nga maayo ang kalidad sang bugas nga ila ginbakal.
Suno kay Palace Press Officer USec. Claire Castro, madamo ang nakabenepisyo sa barato nga bugas nga ginbaligya.
Ginklaro ni Castro nga yara sa Cebu ang rollout sang P20 kada kilo sang bugas sa diin ginabaligya ini sa Kadiwa Centers.
Wala pa suno sa iya sang rollout nga P20 kada kilo sang bugas diri sa Metro Manila kag sa iban pa nga bahin sang pungsod.
Ginpasalig man sang opisyal nga himuon sang gobyerno ang tanan agud nga mapadayon ang nasambit nga programa.
Ginsiling sini nga tubtub sa katapusan sang tuig, sarang nga masustenir sang gobyerno ang pagbaligya sang bugas sa balor nga P20 kada kilo.
Apang ang rice subsidy fund ang igalakip sa national budget para sa masunod nga tuig.
