Nagsaka sang 2.36 meters ang lebel sang tubig sa Angat Dam sa nakaligad nga siyam nga adlaw.
Sa karon, yara na sa 202.75 meters na ang lebel sang tubig sa nasambit nga dam halin sa anay 200.39 meters sang una ka semana sang Disyembre.
Sa pihak sini, nagapabilin nga mas manubo ang lebel sang tubig sini sa Normal High-Water Level (NHWL) sang dam.
Yara sa 2012 meters ang NHWL sang dam ukon halos napulo ka metro nga mas mataas ikumparar sa lebel sini sa karon.
90% sang malimpyo nga tubig nga ginagamit sang mga residente sa Metro Manila ang nagikan sa Angat Dam. Diri man nagikan ang tubig nga ginagamit sa masobra 25,000 ektarya sang mga sakahan sa mga probinsya sang Pampanga kag Bulacan.
Kampante naman ang dam management nga posible pa nga maabot ang NHWL sang dam bag-o matapos ang 2024, kadungan sang asud-asod nga pag-ulan sa watershed sang nasambit nga dam.
