Ginpakigbahin sang isa ka legal expert ang importansya sang Republic Act No. 10627 ukon Anti-Bullying Act of 2013.
Sa interview sang Bombo Radyo kay Atty. Atty. Affle John Leonor sang Integrated Bar of the Philippines – Capiz Chapter, iya ginpahayag nga ang bullying amo ang paglapas o pagsakit sa isa ka indibidwal nga nagahatag sang daku nga epekto sa mental kag emosyonal state sang biktima.
Suno kay Leonor, may yara sang nagkalain-lain nga sahi sang bullying nga masami mga estudyante ang biktima:
Physical bullying – kaangay sang paghampak, pagtulod, sumbag ukon iban pa nga pisikal nga pagpang-abuso.
Verbal bullying – mga insulto kag masakit nga mga tinaga nga ginahambal sa isa ka indibidwal.
Cyberbullying –pagpangguba gamit ang social media kag internet.
Pahayag pa niya, kun may mabalhag nga kaso sang bullying, kinahanglan ini nga imbestigaran gilayon agud indi na maglala ang mga pagpang-abuso.
Nagahingyo man ang natungdan sa mga ginikanan, kag komunidad nga magbinuligay sa pagproteher sang mga kabataan batok sa bullying paagi sa husto nga pagtudlo kag pagpahangop sang ginatawag nga respeto.
