DUMARAO CAPIZ – Nag-agi sa legal nga proseso ang pag-adopt ni Mayor Mateo Hachuela kay Gley Bulaquena Hachuela rason nga ginagamit sini ang iya apelyedo.
Sa interview sang Bombo Radyo kay Atty Grace Hachuela, ginpahayag sini nga nagfile ang alkalde sang Domestic Administrative Adoption sa iya duha sini ka mga kabataan sa una sini nga bana.
Suno kay Atty Grace nga nacomply nila ang tanan nga mga requirements kung sa diin naglawig sang isa ka tuig ang ginhulat antes paman gin-grant sang Regional Alternative Child Care Office sa Western Visayas ang resulta sang petition ni Mayor Mateo Hachuela sandig sa layi nga RA 11642.
Dugang pa sang iloy ni Gley nga ang ila adoption case ang una diri sa Visayas nga wala na nagaagi sa korte kag yara na sa National Authority for Child Care ang pagdesisyon.
Pagklaro ni Atty Grace nga bag-o na ang birth certificate ni Gley nga nakarehistro sa PSA kung sa din ini ang lehitimo nga bata ni Mayor Hachuela rason nga mahimo na sini magamit ang apelyedo sang amay.
Nagapati man ini nga wala makahibalo si Atty.Tolentino nahanungod sa proseso sang adaption kung ngaman iya ini nga gin-isyu kay Mayor Hahuela.
Nagpanindugan man ini nga madugay na sila nagapauli sa Dumarao kag indi sang taga-Pontevedra.
Sa ulihi nagpahayag si Atty Grace nga dapat wala ini ginadala sa kahanginan bangud makabig ini nga bullying sa iya nga mga bata kag malisyoso ang mga pahayag ni Atty. Melgabar Tolentino.
