Liam Payne, nag-angkon sang 25 injuries suno sa autopsy report

Nag-angkon sang 25 ka mga injuries kalakip ang malala nga head injury si Liam Payne.

Ini ang ginpaguwa nga autopsy report sang mga otoridad sang Argentina sa pagkapatay sang anay One Direction member.

Wala suno diri sang kaupod si Liam sa iya nga kuwarto sadtong natabo ang pagkahulog sini sa isa ka hotel sa Buenos Aires.

Nakit-an man sang mga otoridad ang mga ginaalegar droga, alak, energy packs kag anxiety medication.

Padayon ang ginapatigayon nga imbestigasyon sang mga otoridad angut sa nasambit nga insidente.