CAPIZ – Libre na nga ma-avail sang mga maluyagon magtanom sang utanon ang vegetables seedlings nga nagikan sa Provincial Agriculturist Office sang Capiz.
Sa gindul-ong nga mensahe ni Mr. Raoul Perez, Acting Provincial Agriculturist sang Provincial Agriculturist Office, sa ginpatigayon nga PIA Kapihan Talk Show Episode 27 nga may titulo “Provincial Agriculturist Office Update” ginsiling sini nga bukas sa tanan ang vegetable seedlings kag mahimo nga ma-avail sang libre, apang ang mga indibidwal nga magapangayo sini magapaidalum sa profiling ukon verification kung ini qualified nga hatagan ukon indi.
Suno pa kay Perez nga pag-abot naman sa mga binhi kag palay, may libre man nga makuha ang mga mangunguma kung sa diin ini ang nagikan sa ahensya sa
idalum sang MASAGANA program nga naka-kategorya sa duha nga amu ang MASAGANA 150 Program nga mahimo maka-avail sang libre nga 20kilos nga binhi kag MASAGANA 200 Program nga mahimo naman maka-avail sang 50 kilos nga binhi kag voucher para sa abono nga nagabalor sa kapin P3,400.00.
Sa pihak nga bahin, pag-abot naman sa suplay sang mga vegetables seedlings ginsiling ni Perez nga wala sang kinahanglan nga kahangaw-an bangud bastante ini.
Samtang, magapatigayon naman sang nanari-sari nga mga programa ang ila sini nga talatapan subong nga tuig para sa pagpasangkad sang agrikultura kag aquaculture sa probinsya.
