ROXAS CITY -Ginbaha ang lima ka mga kabarangayan kalakip na ang isa ka buluthuan kasunod sang pag-bubu sang mamunog nga ulan sa banwa sang Pilar, Capiz.
Sa pagpangusisa sang Bombo Radyo sa Pilar Municipal Police Station kalakip sa mga ginbaha amo ang Barangay San Blas, Barangay Santa Fe, Barangay Sinamongan, Barangay San Pedro kag Barangay San Antonio sang nasambit nga banwa.
Magluwas diri, ginbaha man ang Marciano M. Patricio National High School sa Barangay San Blas sang nasambit nga banwa.
Ginpahayag nga gikan sa mga kabukiran ang tubig nga nagtuga sang baha sa nasambit nga barangay.
Nahibaluan nga masami nga ginabaha ang nasambit nga mga kabarangayan sa tion nga magbubu ang mamunog nga-ulan.
Samtang, wala naman sang may narekord nga mga residente nga nag-evacuate sa nasambit nga mga lugar bangud sa pagbaha.
