Ginpahayag ni Jesus Crispin Remulla nga ginapreparar na ang dugang pa nga lima tubtob anum ka kaso nga iga-file may kaangtanan sa flood control anomaly, nga ginlauman mapasa sa sulod sang duha ka semana.
Bisan wala ini naghatag sang dugang nga detalye, ginpamatud-an man sang Ombudsman nga si Martin Romualdez amu ang mamalidha nga gin-isyuhan sang freeze order.
Suno sa Anti-Money Laundering Council, nakabaton ini sang freeze order halin sa Court of Appeals batuk sa assets sang isa ka mamalidha nga ginapatihan may kaangtanan sa anomalya.
Sakop sang freeze order ang 25 ka bank accounts kag 10 ka insurance policies nga nakapangalan sini.
Dugang pa nga ini nga tikang kabahin sang padayon nga imbestigasyon sa maanomaliya nga flood control projects sang gobyerno.
Samtang ginpahayag man sang Ombudsman nga ang kaso yara na sa preliminary investigation kag ginabantayan gid ang due process bangud ang gin-imbestigaran amu ang may dako nga impluwensya kag gahum sa gobyerno.
