Nagdaog ang Los Angeles Clippers batok sa Golden State Warriors sa score nga 114-101 sa Chase Center sa San Francisco.
Si Kawhi Leonard nagpanguna sa Clippers nga may 23 points, kag nagbulig man siya sang walo ka rebounds, apat ka assists, kag duha ka steals. May lima pa niya nga ka-team mates nga nagkuha sang double-figure nga points sa sini nga hampang.
Samtang sa Warriors, si Brandin Podziemski ang naglab-ot sang pinaka-madamo nga puntos sa ila nga may 22 points , kag si Al Horford nga may 17 points kag si Moses Moody may 10 points man. Apang kulang ang Warriors sang pila ka importante nga players bangod sang injury kag iban pa nga rason, lakip na si Stephen Curry.
Ang kadalag-an sang Clippers nagpa-ubos sang distansya sa Western Conference standings, kag naghatag sang 2–1 lead sa ila season series batok sa Warriors.
