Magapalapta ang Land Transportation Franchising and Regulatory Board (LTFRB) sang mga “Libreng Sakay” nga mga salakyan sumugod Setyembre 23 tubtob 24.
Ini ang bangud sa magahiwat sang duha ka adlaw nga untat-byahe ang mga transport group nga Manibela kag PISTON.
Suno kay LTFRB chairperson Atty. Teofilo Guadiz III nga handa sila nga mag-alalay sa mga pasahero nga maapektuhan sang nasambit nga untat-byahe.
Nakig-angut naman sila sa mga nagkalain-lain nga ahensiya angut sa nasambit nga “Libreng Sakay”.
Ginpahayag sini nga ila ginarespeto ang kinamatarung sang mga drivers kag operators sang freedom of expressions bnangud ini ang nasaad sa konstitusyon.
Ginganyat sini ang mga drivers nga magapatigayon sang untat-byahe nga likawan nga mangin tunaan sang trapiko.
Hinyo man nila ang pagbabalik sang lima ka tuig nga prankisa para sila ang makabyahe.
