Palawigon sang tatlo ka bulan sang Land Transportation Office (LTO) Roxas City ang validity sang mga expiring nga driver’s licenses, student-driver’s permits kag motor and vehicle registration.
Ini agud mabuligan ang mga tag-iya sang salakyan nga apektado sang fuel crisis.
Ang nasambit nga tikang kasunod man sa deklarasyon ni Presidente Ferdinand Marcos Jr. sang state of national energy emergency.
Sa interview sang Bombo Radyo kay Warren Dureza, information officer sang nasambit nga talatapan, iya ginpahayag nga ang pagpalawig sang validity nagasakop lamang sang mga dokumento nga maga-expire sini nga bulan Abril 2026.
Suno kay Dureza, ang magalapas sa ginpatuman nga extension mahimo magapangatubang sang nagaka-igo nga penalty.
Nagapangabay man ini sa mga motorista nga indi na paghulaton nga ma-expire ang ila lisensya antes magparehistro.
