PUNTA TABUC, ROXAS CITY – Narekober sa lugar kun sa diin nagluntad ang pagpangluthang sa isa ka lalaki sa Hermano Subd. Brgy Punta Tabuc, Roxas City.
Matandaan nga nag-angkon sang pilas sa wala nga bahin sang ulo kag dughan ang biktima nga ginkilala kay Kasmar Bacarro, 32-anyos kag residente sang Barangay Malocloc Sur, Ivisan, Capiz apang temporaryo nga nagapuyo sa nasambit nga lugar samtang ang suspek wala pa matumod.
Mahibaluan nga suno kay Jose Marc Auto, 26-anyos, tricycle driver kag residente sang Burgos St, Brgy Tanque, Roxas City, nakasaksi sa natabo ginpahayag sini nga samtang ang biktima yara sa ila puluy-an hinali nga nag-abot ang suspek backrider kag nagpanuktok sa gate sang biktima.
Dugang pa sini nga sang ginbuksan na sang biktima ang gate gulpi nga nagsulod ang suspek backrider kag ginluthang si Bacarro.
Natigayon naman nga madala sa isa ka pribado nga ospital ang biktima para kun tani sa nagakaigo nga pagbulong apang gindeklarar ini nga dead on arrival sang doctor.
Narekober sa lugar ang 7 tanan ka basiyo sang .45 caliber nga armas luthang kag isa ka sachet sang ginapahayag shabu.
Sa karun, padayon pa nga gina-ayam sang kapulisan ang suspek kag nagapadayon man ang imbestigasyon angut sa insidente.
