Ginsiling sang Department of the Interior and Local Government (DILG) nga ginamonitor nila ang napahamtangan ni Senador Ronald “Bato” dela Rosa sa tunga sang mga report natuhoy sa ginapahayag arrest warrant gikan sa International Criminal Court (ICC).
Suno kay Interior Secretary Jonvic Remulla, nahibaluan nila ang mga lugar nga ginakadtuan sang senador, sa diin ginapahayag nga nagabalhin-balhin sang balay kag nagagamit sang nagkalain-lain nga mga salakyan sa bulig sang mga abyan.
Gin-athag ni Remulla nga wala ginakabig nga “fugitive” si Dela Rosa bangud wala pa sang opisyal nga ginpagwa nga warrant ang ICC. Sa tion nga magpagwa na sang warrant, mahimo nga magamit sang legal remedy ang senador base sa desisyon sang Korte Suprema sa mga kaso nga extradition.
Nahibaluan nga si Dela Rosa ang anay hepe sang PNP sa panahon sang war on drugs ni anay President Rodrigo Duterte, ang kalakip sa mga gina-imbestigaran sang ICC kaangut sang crimes against humanity. Suno sa iya nga abogado, nagalikaw anay ang senador sa publiko bangud sa pagkabalaka sa iya nga personal nga seguridad.
