MANILA – Ginkalipay ni Senadora Loren Legarda ang matawhay, malinong kag madasig nga eleksyon subong nga 2025.
“Saludo ako sa COMELEC sa maayos nila nga pagpamuno subong nga eleksyon. Dako man nga bagay ang sakripisyo kag hugod sang aton nga mga manunudlo, poll workers, kag volunteers. Sila ang matuod nga bayani sang aton nga demokrasya,” pahayag ni Legarda.
Sa pihak sini, nagpahayag man ang senadora sang pagkabalak sa mga nagakahinabo kaangay sang gamo, kriminalidad kag karahasan sa pila ka mga lugar sang tion sang eleksyon.
“Makabalaka na sa tyempo subong, kun sa diin dapat nga tahuron ang kinamatrong sa pag-boto, may mga nagapanghadlok kag sa gihapon gapamigos. Wala dapat sang mugar ang kasubong sini sa isa ka demokratiko nga banwa. Nagapasalamat kita sa PNP kag AFP sa ila sini ginhimo nga pagbantay agud mapabilin ang kalinong kag seguridad sang mga botante.” siling sang senadora.
Liwat nga ginsiling ni Legarda nga ang mabaskog nga pagkontra sang estado sa paggamit sang karahasan agud impluwensyahan ang resulta sang eleksyon, kag ginpahayag nga ginaguba sini ang integridad sang demokrasya.
Dugang pa sini, maayo nga tsansa ini para mapataas ang kumpiyansa sang publiko paagi sa paghatag sang mas madamo nga impormasyon parte sa eleksyon.
Ginhinyo sang senadora ang poll body nga magpaguha sang datos sa eleksyon nga wala nagapakita sang pangalan kag iban pa nga pribado nga impormasyon sang mga botante, pero makabulig sa paghangop sang mga pattern sa pagboto–pareho sang sa kabataan, sa mga rehiyon, kag iban pa nga sektor sang sosyudad.
Nagpalab-ot man sang suggestion si Legarda nga pasangkadon pa sang ahensya ang ila portal ukon website agud mas madamo nga impormasyon ang mahatag parte sa eleksyon pareho sang edad, kasarian, lugar, antas sang edukasyon, kag iban pa.
Mahimo man nga idugang ang mga importante nga detalye hanungod sa mga kandidato, kaangay kun sila ang reelectionist ukon first-timer sa pagpapili, kag iban pa nga mga impormasyon.
Pahayag pagid ni Legarda nga maayo kun makig-buliganay ang COMELEC sa mga unibersidad, research institutions, kag mga eksperto kag data scientists agud masigurado nga ang kasubong sini nga mga proyekto ay mapatigayon sang maayos.
