-- ADVERTISEMENT --
ROXAS CITY — Ginkawatan ang isa ka manunudlo sa Rufina Andrada Santos Memorial School samtang nagapatigayon sila sang Brigada Eskwela sa eskwelahan sa Rizal St., sining siyudad.
Suno sa biktima nga si Elizabeth Dioco, 51-anyos, residente sang Isulan, Sultan Kudarat apang temporaryo nga nagapuyo sa Rizal St., sining siyudad, may nakita siya nga duha ka mga lalaki nga nagatindog sa guha sang iya hulot klasehan nga naglakat man makaligad ang pila ka ginutlo.
Sang nagsulod na ang manunudlo sa iya hulot klasehan, natukiban niya nga wala na sa iya bag ang wallet nga nagaunod sang importante nga mga dokumento.
Gindangop na lamang ni Dioco sa istasyon sang pulisya ang natabo agud maimbestigaran.
