Patay ang isa ka manunudlo matapos nga gin-inakigan sang maayo kag ginkwestiyon ang iya pagkamaestra.
Ang amo nga maestra ang ginkilala kay Teacher Marjorie Espinosa Llanto.
Mabasa sa post sa gumangkon sang maestra ang pagpaguha sang hibubun-ot sang amo nga maestra matapos ini nga gin ayad akig sang iya principal matapos nga nadisgrasya ang isa ka istudyante.
Nahibaluan nga sadtong nakaligad nga semana, samtang yara sa sulod sang classroom, ginpa-answer ni Teacher Marjorie ang iya mga estudyante sa Math nga subject.
Samtang nabusy si Teacher Marjorie check sa papel sa mga natapos na answer, wala sini mabantayi nga isa sa iya mga estudyante ang nagsaot-saot kag pagkadugay-dugay nabungo ang ulo sini sa bangko rason nga nagkadugo ang amo nga estudyante .
Nagkadugo pa suno nga nagpauli ang estudyante sa ila balay, rason nga ginkadtoan sang ginikanan ang principal.
Nahibaluan man nga wala ginhatagan sang first aid ang bata bangud nahadlok sa dugo ang amo nga maestra.
Daan naman suno nga nagpahibalo si Teacher Marjorie nga indi magdinalagan ukon magsinabad tion sa iya klase.
Sadto man nga adlaw , gin-akigan na ang maeatra sang principal.
Tuman nga gindibdib ni Teacher Marjorie Ang amo nga panghitabo kag tuman ang iya kahiubos nga nabatyagan.
Nagchat pa ini ila nga GC sa mga ginikanan sa mga estudyante nga tuman gid ang iya kahiubos, kag sa iya ika-30 ka tuig nga sa propesyon, sadto pa lamang siya nakabati sang pagpangakig nga daw Indi makaon sang ido sa Isa ka principal.
Suno pa sini nga pwede malang Kun Tani ma-istoryahon sang insakto kag masulbar Ang amo nga problema gin-diritsu gid sa principal kag ang principal naman wala malang ini nagpamangkot kun ano ang natabo.
Tungod sini, matapos ang pagpangakig sang principal, gintabangan na ang maestra nga si Teacher Marjorie matapos ini nga nagtiskog.
Sa post sang gumangkon ni Teacher Marjorie, gindibdib suno sang iya tiya ang pagpangakig sang amo nga principal.
Nahibaluan nila ini matapos ila nabasahan sa GC ang mga mensahe ni Teacher Marjorie isa ka semana bag-o sang siya ang napatay bangud sa masakit nga tinaga nga iya nabaton halin sa iya principal.
