ROXAS CITY – ‘Last men standing’ ang mag-amay nga doktor sa ginpatigayon ng Bombo Medico 2019 sa Capiz Gymnasium – Villareal Stadium sa Barangay Tiza, Roxas City.
Kaupod ni City Councilor Dr. Cesar Yap, Jr. ang anak sini nga si Dr. Jeremy Bryan Yap nga naghatag sang libre nga konsulta sa mga benepisyaryo sang nasambit nga aktibidad sang Bombo Radyo.
Suno kay Yap, Jr., saludo ini sa aktibidad sang Bombo Radyo nga makahatag sang libre nga bulong kag iban pa nga serbisyo sa mga pigado.
Bangud suno sa iya sa tinutuyo sang Bombo Radyo nga makabulig, wala nagpangduha-duha ang iya pamilya nga maghatag man sang libre nga serbisyo.
‘Full-force’ ang pamilya Yap sa nasambit nga aktibidad bangud nakit-an man ang presensiya sang asawa sini nga si Mrs. Denise Yap, isa ka pharmacist kag presidente sang Drugstores Association of the Philippines – Capiz Chapter, nga nangin sponsor man sang mga bulong.
Mahibaluan nga magluwas sa iya anak, naghatag man sang libre nga konsulta sa mga pasyente ang iya nga daughter-in-law nga si Dr. Jolly Belle Gialogo-Yap.
Mangin ang iya hinipo nga anak nga si Naomi Cyden Yap, isa ka licensed nurse ang nagbulig man sa nasambit nga aktibidad.
