ROXAS CITY – Pilason ang mag-amay matapos nga nagbungguanay ang tricycle kag Strada nga salakyan sa Barangay Agtatacay Norte, Sapian, Capiz.
Padayun nga ginabulong sa ospital ang mag-amay nga biktima nga sanday Noriel Oroceo 38-anyos kag anak na si Mark, siyam ka tuig ang edad, matapos nag-angkon sang pilas sa lawas bangud sa pagbunggu-anay sang tricycle sang biktima kag Strada nga salakyan nga ginamaneho ni Patterson Dorado sang Barangay Cagay, Roxas City.
Nagaguwa sang inisyal nga imbestigasyon sang Sapian PNP nga nag-overtake si Noriel sa nauna nga salakyan sa iya kag ulihi na lamang sini nakita nga may masugata ini nga salakyan.
Mismo si Dorado ang nagdala sa mga biktima sa ospital agud madapatan sang nagakaigo nga pagbulong
Samtang yara na sa kostodiya sang mga pulis ang driver sang salakyan.
