IVISAN, CAPIZ – Patay ang mag-amay matapos makuryente sa Barangay Cabugao,Ivisan, Capiz.
Ang mga biktima amo si Roberto Ubalobao Jr. kag John LLoyd Ubalobao, lunsay pumuluyo sang Barangay Malocloc Norte, Ivisan Capiz.
Sa interview sang Bombo Radyo kay Police Captain Rile Villariez, officer on charge sang Ivisan Municipal Police Station, iya ginpahayag nga naga-drill ang mag-amay sang jet matic pump kun sa diin may yara sang naka-install nga wiring sa breaker.
Suno kay Villariez, nakakapot ang nasambit nga mga biktima sa wiring rason nga nakuryente ang mga ini.
Nadala pa sa ospital ang mga biktima apang gindeklara nga dead on arrival sang attending physician.
Nagapanawagan man ang natungdan sa publiko nga maghalong sa pagtandog sang mga ulubrahon nga may kaangtanan sa kuryente agud indi na maliwat ang mga kaangay nga insidente.
INTERVIEWED BY: BOMBO RONNIE PREGUA JR.
