Ginpakamaayo sang mag-asawa nga magpanagtag sang mga foodpacks sa mga frontliners kadungan sang pagselebrar sang ila ika-12 anyos nga wedding anniversary kag 9th month nga kaadlawan sang ila nga bata.
Suno sa kay Pinky Baes Estonina nakatigayon sila nga makapanagtag sang 100 ka mga foodpacks sang iya bana nga si Rex Estonina sa mga frontliners sa syudad sang Roxas.
Personal nga gindulong sang mag asawa ang mga foodpacks sa mga frontliners sa Barangay Lawaan, Cagay, Punta Tabuc, sa Hemingway Street Barangay Onse kag sa mga Traffic Auxilliaries sa syudad.
Gindugang pa sini nga dako ang ila pa-apresyar sa mga frontliners nga padayon nga nagasakripisyo sa pagpakigbato sa Covid-19 Disease.
Mahibaluan nga sang Abril 23, 2008 nagpakasal ang mag-asawa nga ginbugayan sang 2 ka mga kabataan.
