ROXAS CITY – Dugang nga armas sang isa ka mayoralty candidate ang ginturn-over sa talatapan sang President Roxas Municipal Police Station.
Pinaagi sa iya utod nga si Punong Barangay Renboy Escolin sang Barangay Badiangon, President Roxas, ginturn-over ni incumbent Mayor Receliste Escolin ang isa ka unit sang calibre .45 pistol bangud nagpaso na ang lisensiya sini.
Magluwas diri, ginturn-over man sang amo nga kapitan ang iya personal nga armas nga isa ka unit sang homemade shotgun nga may magazine kag loaded sang tatlo ka mga bala kag ang ginsungka sang isa ka concerned citizen sa iya nga isa ka unit sang homemade carbine nga may yara sang magazine.
Sa karon yara na sa kustodiya sang Firearms Explosives Security Agencies and Guard Supervision (FESAGS) ang nasambit nga mga armas para sa nagakaigo nga disposisyon.
