Gintay-og sang magnitude 7.7 nga linog ang Panama, suno sa report sang United States Geological Survey (USGS).
Narekord ang sentro sang linog sa probinsya sang Herrera, malapit sa Pitaloza Arriba sa nabagatnan nga bahin sang pungsod nga nagtuga sang malapnagon nga kahalitan sa mga puluy-an, dalanon, kag mga imprastraktura.
Pila sa mga pasilidad nga narumpag kag nahalitan amo ang isa ka hotel, isa ka daan nga simbahan.
Temporaryo nga ginpauntat ang mga flights kag operasyon sa Tocumen International Airport bilang kabahin sang safety protocol, samtang nagapabilin nga luwas kag normal ang pagbiyahe sa Panama Canal nga amo ang mayor nga ruta para sa international trade.
Suno sa report sang mga otoridad, wala sang may napatay sa insidente apang 15 ka mga estudyante ang nakaangkon sang minor injuries samtang nagapadayon ang assessment sa kabug-usan nga kahalitan sa mga komunidad.
