ROXAS CITY – Patay ang 48-anyos nga magulang matapos nga ginlabo-patay sang manghod sa Sitio Agbolo, Barangay Carataya, Cuartero, Capiz.
Nakilala ang biktima nga si Sonny Planto nga dead on arrival sang nag-abot sa ospital samtang manghod sini nga suspek amo si Ronnie Planto nga yara na karon sa kostodiya sang Cuartero PNP.
Antes ang krimen nagpadulong ang manghod nga suspek sa balay sang biktima apang ginpapauli ini sang magulang.
Bangud sa pagpamalibad sang suspek nga magpauli, nakaangkon sila sang mainit nga pagbaisay sang magulang tobtob nagtinapungulay ang mag-utod kag hinali na lamang nga ginlabo sang manghod ang magulang.
Gindala pa sa ospital ang biktima, apang gindeklara nga dead on arrival samtang yara na sa kostodiya sang kapulisan sa banwa sang Cuartero ang manghod nga suspek.
