ROXAS CITY – Daan nga hiligut-anon ang ginatan-aw nga motibo sa paghatuk hatuk labo sa kamot sang 39-anyos nga biktima sang kaugalingon nga manghod sa Sitio Mangga, Barangay Angub sa banwa sang Cuartero.
Padayon nga ginabulong sa Roxas Memorial Provincial Hospital ang biktima nga si Antonio Silva bangud sa kasamaran sa nawala nga kamot tuga sang paglabo sang sanduko nga nagalaba sang 24 pulgada sang manghod nga si Eduard Silva.
Sa inisyal nga imbestigasyon sang Cuartero PNP nagaguwa nga nagainum ang biktima kaupod ang bayaw sang hinali nag-abot ang manghod kag sa pag-atubang sa magulang, ginhunos ang sanduko kag ginlabo sa kamot ang biktima.
Gilayon man nga nagtambag ang bayaw sang mag-utod rason nga wala napuruhan ang biktima.
Sa karon yara na sa kostodiya sang kapulisan sa banwa sang Cuartero ang manghod nga suspek.
