Handa liwat nga file ang Makabayan bloc sang impeachment complaint batok kay Vice President Sara Duterte matapos nga ginbasura sang Sumpre court En Banc ang House of Representatives’ Motion for Reconsideration nga nagakwestyon sa nauna nga desisyon sang Korte nga nagdeklarar nga invalid ang mga articles of impeachment.
Suno sa Makabayan bloc, ang ruling sang SC ang naghimo sang ginatawag nga “fast track” nga proseso sang impeachment sang pamunuan sang Kamara nga mas nagpabudlay sa pagpanabat sa mga mataas nga opisyal.
Apang, nagapabilin nga valid ang mga alegasyon batok kay VP Duterte, lakip na ang gina-alegar nga paglapas sa pagsalig sang publiko, sala nga paggamit sang confidential funds, kag pattern of abuse of power.
Sa isa ka pahayag, ginpahayag sang Makabayan Bloc nga indi pwede ipaisol ang accountability kag kinahanglan nga matigayon ang hustisya.
Nagapanawagan man sila sa Kongreso kag sa publiko nga suportahan ang nasambit nga tikang para sa transparency kag good governance.
