ROXAS CITY – Ginsulod sang wala makila-an nga persona ang hall of justice sa banwa sang Mambusao.
Sa impormasyon nga nakuha sang Bombo Radyo gikan sa Mambusao MPS, nagpabalhag sa ila talatapan si Hector Baranda, process server sang MTC Mambusao kag ginaalegar namutikan sini takna 3:45 sang hapon, Hulyo 30, nga ginsulod ang nasambit nga korte.
Suno sa imbestigasyon sang kapulisan, nakasulod ang suspetsado pinaagi sa pagbrignka kag pagguba sang bintana sa bahin sang C.R kag ginpangsulod ang hulot ni Hon. Joevy P. Valenzuela, Presiding Judge MTC, kag Hon. Judith Orendain Tonogbanua, Executive Judge, RTC branch 20, sang Mambusao, capiz.
Nahibaluan nga matapos nakasulod ang suspek sa hulot sang nasambit nga mga judge, ginpanglapta sini ang kagamitan kalakip na ang mga dokumento.
Sa karon, padayon pa nga ginaimbestigahan sang katapo sang kapulisan kabulig ang Scene of the Crime Operation (SOCO) ang nasambit nga insidente.
