Mamumugon, patay sa pagkarumpag sang Torre dei Conti sa Roma

Patay ang isa ka mamumugon matapos ma-trap sa pagkarumpag sang medieval Torre dei Conti sa Roma.

Ang biktima amo si Octav Stroici nga nagapang-edaron sang 66.

Nakuha ang iya nga lawas makaligad ang halos isa ka oras, apang ginbawian ini sang kabuhi samtang yara sa ambulansya.

Dugang diri, tatlo pa ka mga mamumugon, kalakip ang isa pa ka Romanian ang maswerte naman nga nakaluwas.

Nahibaluan nga natabo ang ikaduha nga pagkarumpag samtang ginapatigayon ang rescue operation, bangud sang temporaryo nga pag-untat sang operasyon.

Samtang, ginlunsar na sang Rome Prosecutor’s Office ang imbestigasyon sa insidente.