Gin-aprubahan sang House of Representatives sa ikatlo kag katapusan nga pagbasa ang House Bill No. 7239 ukon ang “Line Workers Insurance and Benefits Act” nga nagatinguha sa paghatag sang mandatory insurance coverage sa linibo ka mga electrical kag telecommunications line workers sa pungsod.
Sa boto nga 197-0, gin-aprubahan ang hagna bilang pagkilala sa makatalagam nga trabaho sang mga trabahador sa linya nga ginakabig nga “vital link” sa supply sang kuryente kag komunikasyon nga nagapabaskog sang ekonomiya.
Pagasabton sang mga employer ang premium para sa life, accident, at disability insurance sang mga empleyado.
Magluwas sa insurance, obligado ang mga employer sang retirement benefits, mortuary assistance, kag reimbursement sang medical expenses para sa mga pilas nga naangkon samtang yara sa trabaho.
Suno kay House Majority Leader Sandro Marcos, ang mga line workers, regular man, contractual, ukon job order, nagakadapat sang nagakaigo nga proteksyon bangud sa mga katalagman nga ila ginaatubang sa pagkay-o sang mga linya kag kable sang kuryente sa idalom sang duta.
Ang hagna nagasakop sang tanan nga mga line workers sa mga telecommunications companies, power line contractors, private utilities, kag electric cooperatives sa bug-os nga Pilipinas.
