-- ADVERTISEMENT --
ROXAS CITY – Patay ang isa ka tripulante sang sakayan pangisda matapos naghikog sa ila nga balay sa Barangay Agsirab, Dumarao, Capiz.
Ginkilala ang biktima nga si Ginos Prasio nga nasapwan sang amay nga nagabitay.
Sa interview sang Bombo Radyo kay Police Staff Sergeant Dandreb Suarez, imbestigador sang Dumarao PNP, ginpahayag nga nakibot na lamang ang amay sang biktima sang makita nga nagabitay na ang anak sa diin nahigot sa liog sini ang paha.
Nagaguwa sa imbestigasyon sang pulisya nga personal nga problema ang rason sa pagpanginmatay sang biktima.
Sa karon yara na sa punerarya ang bangkay ni Prasio.
-- ADVERTISEMENT --
