-- ADVERTISEMENT --
ROXAS CITY – Dakop ang mangunguma, matapos ginapahayag nagbaligya sang armas luthang sa Barangay Lanot, Roxas City.
Ginkilala ang nadakpan kay Jovanne Bajada 54-anyos kag residente sang nasambit nga lugar.
Sa impormasyon nga nakuha sang Bombo Radyo nagikan sa Roxas City Police Station, natigayon nga madakpan si Bajada pinaagi sa isa ka pulis nga nagpakuno-kuno Poseur Buyer.
Nakuha sa suspek ang armas luthang nga calibre .38 homemade revolver nga ginbaligya sang balor P2,600.00, P100.00 marked money, P2,500.00 nga counterfeit/boodle money, 3 ka bala sang nasambit nga armas luthang.
Sa karun yara na ini sa kustodiya sang Roxas City Police Station, para sa nagakaigo nga disposisyon.
-- ADVERTISEMENT --
