Mangunguma arestado sa buy bust operation

ROXAS CITY – Arestado ang isa ka mangunguma sa drug buy bust operation sang Station Drug Enforcement Team sang Mambusao Municipal Police Station sa Barangay Burias, Mambusao, Capiz.

Ginkilala ang drug suspek nga si Christopher Llanto, 42 anyos, residente sang Barangay Caidquid, Mambusao.

Suno kay Police Senior Inspector Rachel Garnica, hepe sang Mambusao PNP madugay ang ila pagmonitor kay Llanto antes patigayunon ang operasyon

Narekober sa posesyon sang suspek ang lima ka sachet sang ginapatihan shabu kag P500 nga marked money.

Sa karon nakahunong na sa karsel sang Mambusao PNP ang suspek kag natalana nga pasakaan sang panumbungon nga paglapas sa RA 9165 ukon Comprehensive Dangerous Drugs Act of 2002