DAO, CAPIZ – Arestado ang isa ka mangunguma sa implementasyon sang search warrant sang mga katapo sang Dao Municipal Police Station sa Sitio Tabugon, Barangay Agtanguay, Dao, Capiz.
Sa impormasyon nga nakuha sang Bombo Radyo nagikan sa Dao MPS, ginkilala ang arestado kay alyas “Orly”, 37-anyos, kag residente sang nasambit nga lugar.
Ang warrant of arrest gin-isyu kag ginpirmahan ni Hon. Lorencito B. Diaz, Executive Judge, Regional Trial Court, 6th Judicial Region, Branch 17, kag napetsahan Abril 29, 2025.
Nakuha sa paghinakop sini ang isa (1) ka unit sang armas-luthang nga 12-gauge improvised shotgun ukon “Pugakhang”, isa (1) ka bala sini nga nagaduag pula ukon ang “12 star’, kag isa (1) pa ka bala sini nga nagaduag green ukon ang “Remington”.
Ang nasambit nga arestado ang magapangatubang sa kaso nga paglapas sa RA 10591 ukon ang “Comprehensive Firearms and Ammunition Regulation Act”.
Sa karon, yara na ini sa kustodiya sang Dao Municipal Police Station para sa nagakaigo nga disposisyon.
