-- ADVERTISEMENT --
TAPAZ CAPIZ – Dakop ang mangunguma nga lalaki, matapos ang ginkasa nga drug buy bust operation sa Barangay Carida, Tapaz Capiz.
Ang wala na ginhingadlan nga persona ang nagapang-edaron sang 40-anyos kag residente sang Sitio Mawang, Barangay Candelaria sa nasambit nga banwa.
Natigayon nga madakpan ang amu nga arestado pinaagi sa gintingub nga pwersa sang Tapaz Station Drug Enforcement Team (SDET), kag Philippine Drug Enforcement Agency (PDEA), Regional Office 6.
Nakuha sa paghinakop sini ang (2) ka plastic sachets sang ginaalegar shabu, P1,100.00 nga buy-bust money kag isa ka unit sang cellphone naga-duag itom.
Sa karun, ang nasambit nga persona ang yara na sa paghinakop sang Tapaz Municipal Police Station para sa nagakaigo nga disposisyon.
-- ADVERTISEMENT --
