Pilas sa tiyan ang naangkon sang isa ka mangunguma matapos nga ginluthang sang iya pakaisa, sa Barangay Palaguian, Maayon, Capiz.
Ginkilala ang biktima kay Andy Ginco, 49-anyos, samtang ang suspek ang ginkilala kay Ronald Ginco, 50-anyos, lunsay mga residente sang nasambit nga lugar.
Sandig sa inisyal nga imbestigasyon sang Maayon Municipal Police Station, nga alas-9:30 kagab-i sang Biyernes sang magkaupod ang magpakaisa sa isa ka bilasyunan, apang nagluntad ang pagbinaisay sa duha, rason nga hinali nalang ginluthang sang suspek ang iya pakaisa.
Ginpadangat sa Bailan District Hospital ang nasambit nga biktima.
Samtang, nagsungka na sa mga kapulisan, ang nasambit nga suspek.
Nahibaluan nga lunsay hubog ang magpakaisa kag daan nga hiligut-anon ang motibo sa insidente.
