Pormal nga nag-file sang Certificate of Candidacy (COC) ang isa ka mangunguma nga magapapili bilang Provincial Vice Governor sa probinsya sang Capiz.
Ginkilala ang aspiring candidate kay Argie Barroa Casiao, 27-anyos kag residente sang Sitio Ilawod, Brgy. Daga, Panay, Capiz.
Sa nang interview sang Bombo Radyo kay Casiao, desisyon nya ang nag tulod sa iya para nga mag file sang COC kag magpapili sa nasambit nga posisyon.
Dugang pa ni Casiao, plano sini nga pahagan-haganon ang isyu sang probinsya pag-abot sa droga, kag ang pag pakay-o sang mga malubak nga dalanon ang pagatutukan nga proyekto sa tion nga magdaog ini.
Dugang pa sini, tagaan nya man sang cash assistance ang mga pigado, kag ang mga wala trabaho nga mga pumuluyo pagahatagan man sang mga oportunidad nga mga trabaho.
Mahibaluan nga abyan ini sang isa man ka mangunguma nga nag-file man sang COC nga magapapili bilang Provincial Governor nga ginkilala kay Christopher Degala Barrio, 36-anyos kag residente sang Sitio Ubos, Brgy. Lanot, sining syudad.
Apang, nagapabilin naman sa “unofficial” status ang filing sang COC ni Casiao, bangud kulang ang ginsumiter sini nga mga dokumento sa Comelec.
