ROXAS CITY-Dismayado ang isa ka mangunguma matapos nga wala makabaton sang P5,000 nga ayuda gikan sa Department of Agriculture (DA) sa Barangay Damayan, Sapian Capiz.
Ginpahayag sang isa ka concerned nga mangunguma nga 77 lang ka mga mangunguma sa Barangay Damayan ang nakabaton sang nasambit nga ayuda sa pihak nga masobra 400 ka mga mangunguma ang nakaregister nga mangunguma sa nasambit nga barangay.
Suno sa tagareklamo nga naka-fill up ini sila sang forms agud makabaton sang nasambit nga ayuda sang tinalikdan nga bulan sang disyembre.
Ginpanindugan man sini nga nakasumiter man ini sila sang mga requirements nga ginrequire sang nasambit nga ayuda.
Apang ginkakibot sini nga wala ini nalakip sa makabaton sang P5,000 sang tinalikdan nga releasing sang nasambit nga ayuda.
Samtang ginatudlo naman sini si kagawad Rosendo Olandesca nga presidente sang Lubog Farmers Association nga amo ang nagpanglista sang mga benepisyaryo.
Samtang may mga reklamo naman ang iban nga mga mangunguma nga may yara sang nakabaton nga indi mangunguma kag mga malapit nga himata sang nasambit nga kagawad.
