-- ADVERTISEMENT --
ROXAS CITY – Patay na sang nasapwan ang isa ka mangunguma matapos nalumos takna 10:50 sang gab-i, Oktubre 24 sa Barangay Mianay, Ivisan, Capiz.
Ginkilala ang biktima kay Edgar Celino, 41-anyos residente sang nasambit nga lugar.
Sandig sa impormasyon nagikan sa Ivisan MPS, samtang nagapauli ang biktima kaupod ang mga abyan, ginapahayag aksidente nga nadanlog si Celino rason sang pagkahulog sini sa creek.
Bangud sa mabaskog nga ilig sang tubig tuga sang mamunog nga pag-ulan, ginapahayag na-anod si Celino.
Gilayon naman nga nagresponde ang Capiz Emergency Response Team (CERT) apang wala na sang kabuhi ang biktima.
-- ADVERTISEMENT --
Sa karon, yara na sa punerarya ang bangkay sang biktima.
